Translations:Sorben/21/hsb

W nadawku Ludoweho nakładnistwa domowiny wotwrěješe 2006 Smolerjec kniharnja w domje na Sukelniskej 27 jeje domicil. W zwisku z nowej městnosću a so na tradiciju połowajo, přiwza kniharnja zaso mjeno Smolerjec kniharnja. W 19. lětstotku naspomni so Smolerjec kniharnja, jako serbska kniharnja w Budyšinje, k prěnjemu razej. W běhu lěta 1851 wotewri Jan Arnošt Smoler swój prěni wobchod w sćinje Bohateje wěže města Budyšin. Zhromadnje z Bohuwěrom Pjechom rozšěrješe Smoler knižny wuběr wo słowjansku literaturu. W 20. lětstotku bu kniharnja do noweho domicila – Stary Serbski dom – na Lawskich hrebjach přeměstnena. Tam přewza knihikupc Arnošt Simon nadawk rozšerjenja a zwičnjenja serbskeho ćišćaneho słowa. W zwisku ze zakazom serbskeho zwjawneho žiwjenja w lěće 1937 bu tež serbska kniharnja přez nacionalsocialistow zawrěna. W lěće 1950 bu kniharnja znowa na Kurt-Pchalekowej 20 wotewrena a přeměstni so 1951 na drjewowe wiki. Po dalšim přećahu kniharnje, zaso na Kurt-Pchalekowu 20, poskići kniharnja hač do lěta 1961 mnohostronski wuběr nakładnistwa. Po tym, zo běchu swójstwowe poměry wujasnjene a hrožaca insolwenca wotwobarana, wotwri kniharnja zaso w starozantych rumnosćach na Pchalekowej. W zwisku z problemami financowanja towaršnika, Załožbu za Serbski lud, rozsudźeše so, połojcu podruže lutowaća kniharnju do dźensnišich rumnosćow w domje nakładnistwa zaměstnić. Po pře- a wutwaru wobchodnych rumnosćow w lěće 2006, je knihikupcam Smolerjec kniharnje nětko móžno, swoje aktiwity w načasnej a přijomnej wokolinje zrealizować. Smolerjec kniharnja je dźensa daloko přez hranicy Łužicy znata, wšakož poskićuje jako jenička kniharnja po cyłej Němskej cyłkowny nakładniski wuběr Ludoweho nakładnistwa Domowiny. Za poskitki, kaž literarne čitanja abo předstajenje nowych knihow , zahorja so Budysce wopytowarjo runje tak kaž hosćo z bliska a daloka.