Prěni wučerski seminar

Hač do lěta 1988 steješe tu Brüsewitz´ski dom. W nim běše prěni wučerski seminar Hornjeje Łužicy zaměstnjeny.

×

×

×

×

Na róžku Mnichowskeje hasy a Bórklina steješe hač do lěta 1988 Brüsewitz´ski dom. Hač do kónc 19. lětstotka bě w nim prěni wučerski seminar cyłeje Hornjeje Łužicy zaměstnjeny. K absolwentam słušachu tež mnozy serbscy wučerjo, kotřiž pochadźachu přewažnje z chudych wjesnych poměrow. Wučerski seminar běše zakład za dalewuwiće serbskeje rěče a narodneje kultury. Přez demokratiske kubłanje so absolwenća seminara k wodźacym serbskim mocam „narodneho wozrodźenja“ za čas byrgarskeje rewolucije wokoło 1848 / 49 wuwiwachu. Dźensa so hižo pokazka na něhdyši prěni wučerski seminar na tutej městnosći njenamaka. Mehr