Na slědach Serbow
Sorben erleben
Start > Na slědach Serbow přez Budyšin > Pomnik dr. Marje Grólmusec
< zurück     Station 8 /44     weiter >
Na slědach Serbow přez Budyšin
Pomnik dr. Marje Grólmusec

Wopomnjenska tafla k česći dr. Marje Grólmusec. Wona běše aktiwna čłonka serbskeho wědomostneho towarstwa „Maćicy Serbskeje”.

Při twarjenju na róžku Grólmusoweje dróhi k Hornčerskej hasy je wopomnjenska tafla k česći dr. Marje Grólmusec připrawjena. Při domje tehdomnišeho mydło produkowaceho fabrikanta Lehmanna wopominamy jednu z najaktiwnišich spjećowarkow přećiwo nacionalsocializmej. Wjetši dźěl swojeho dźěćatstwa a młodźinskeho časa přebywaše Marja Grólmusec w Lipsku. Jeje kubłanje bu sylnje přez jeje serbsko-katolskeho nana wobwliwowane. W 20tych lětach 20. lětstotka studowaše wona stawizny, filozofiju, němčinu, francošćinu a sociologiju na uniwersiće w Lipsku. W lěće 1932 připóznachu jeje promociju. W swojim Lipšćanskim času běše wona aktiwna čłonka serbskeho wědomostneho towarstwa „Maćicy Serbskeje” a wobdźěleše so aktiwnje na załoženju zjednoćenstwa serbskich studentkow „Witaj“ při Lipšćanskej uniwersiće. Přidatnje běše tež na politiskim polu wosebje aktiwna. Spočatk 1930tych lět přesydli so do Radworja blisko Budyšina. W swojim Radworskim času so wosebje aktiwnje na spjećowanju přećiwo nacionalsocializmej wobdźěleše. W lěće 1944 zemrě wona w žónskim koncentraciskim lěhwje w Ravensbrücku. Mehr

< zurück     Station 8 /44     weiter >