Na slědach Serbow
Sorben erleben
< zurück     Station 30 /44     weiter >
Na slědach Serbow přez Budyšin
Budyski hród

Budyski hród - tehdy sydlišćo Milčanow, dźensa kulturno-turistiski centrum.

Na granitowym platowje wysoko nad Sprjewju trónuje Budyski hród. Hižo w 7. lětstotku wobsydlichu jón Milčenjo (Milzener), kmjen tehdyšich słowjanskich sydlerjow. Skoro cyle wot Sprjewje wobdate wopokaza so tute městno jako prawe za hrodźišćo z přirodnej hrodowskej hrjebju - sprjewinym dołom. Na spočatku noweho lěttysatka so Budyski hród po jeho dospołnym zničenju přez Matthiasa Corviniusa znowa natwari. Hakle w 21. lětstotku so dźensniši wonkowny napohlad doskónčnje zhotowi. W pózdnjogotiskim hłownym twarjenju ma dźensa Sakske wyše zarjadniske sudnistwo swoje sydło. Jako magacin natwarjeny „Selowy dom“ je dźensa domicil Serbskeho muzeja, w kotrymž móže kóždy bohatosć serbskeje kultury a stawiznow za sebje wotkryć. Napřećo muzejej steji Dźiwadło na hrodźe, kotrež so w lěće 2003 dotwari. Zady rjaneje škleńčaneje fasady su Rietschelowe swisle, kotrež pyšichu jónu Drježdźanske dwórske dźiwadło, wustajene. W lěćnych měsacach słuži dwór Budyskeho hroda jako kulisa za Budyske lěćne dźiwadło a w dwulětnym turnusu tež za wotewrjenske zarjadowanje mjezynarodneho folklorneho festiwala „Łužica“. Mehr

< zurück     Station 30 /44     weiter >