Na slědach Serbow
Sorben erleben
Start > Na slědach Serbow přez Budyšin > Měšćanska hala Króna
< zurück     Station 40 /44     weiter >
Na slědach Serbow přez Budyšin
Měšćanska hala Króna

Stawizny měšćanskeje hale sahaja hač do kónca 19. lětstotka wróćo. Hač do lěta 2017 wotměwachu so w njej serbske a němske kulturne zarjadowanja.

Stawizny měšćanskeje hale sahaja hač do kónca 19. lětstotka wróćo. W tutym času so na hornim dźělu Kamjentneje dróhi hotel „K złotej krónje“ dotwari. K twarskemu kompleksej słušeše tež balowa žurla, kotraž so w krótkim času k woblubowanemu schadźowanišću za serbske zarjadowanja wuwiwaše. Po tym, zo běše dom dwě swětowej wójnje njewobškodźeny přetrał, so na tutej ležownosći w lěće 1967 socialistiski nowotwar natwari. Po politiskej změnje so zarjadowanska hala priwatizowaše a po wobšěrnej rekonstrukciji w lěće 1995 znowa wotewri. Hač do lěta 2017 wotměwachu so w njej njeličomne serbske a němske kulturne zarjadowanja. K nim słuša tež „Schadźowanka”, kóždolětne zetkanje něhdyšich a dźensnišich serbskich studowacych. W lěće 2018 kupi město Budyšin tutu imobiliju. Mehr

< zurück     Station 40 /44     weiter >