Serbski šulski a zetkawanski centrum
Dom je sydło Serbskeho gymnazija, Serbskeje zakładneje a wyšeje šule. Tu maja šulerjo móžnosć, so w serbskej rěči hač k abiturnemu schodźenkej kubłać.
Spočatk 20. lětstotka natwarjeny nowy katolski wučerski seminar je dźensa Serbski šulski a zetkawanski centrum. W nacionalsocialistiskim času so twarjenje jako cłowna šula kejžerstwoweho financneho zarjada wužiwaše, pozdźišo tež jako rezerwowy lacaret. Na kóncu Druheje swětoweje wójny běše twarjenje dospołnje zničene. W času nowonatwara dósta wuchodny dźěl třěchi kuplu, kotraž bě w mjezyčasu sydło Budyskeje šulskeje hwězdarnje. Kónc 1950tych lět zaćahny do twarjenja Serbski wučerski wustaw. W nim so serbsce rěčacy dorost za serbsku šulsku syć wukubła. Po politiskej změnje so wustaw zawrě. Z toho časa je sydło Serbskeho gymnazija. Po dospołnym wobnowjenju w lěće 2008 přidružištej so Serbska zakładna a wyša šula. W tutym domje maja šulerjo móžnosć so w serbskej rěči wot zakładneho schodźenka hač k abiturnemu schodźenkej kubłać. Mehr
