Na slědach Serbow
Sorben erleben
< zurück     Station 36 /44     weiter >
Na slědach Serbow přez Budyšin
Serbske Nowiny

Korjenje serbskeho nowinarstwa sahaja hač do 18. lětstotka wróćo. Tučasnje wuchadźa wječornik na dźěłowych dnjach a měsačnje z němskorěčnej přiłohu.

Redakcija serbskeho wječornika dźěła w samnym twarjenju kaž Ludowe nakładnistwo Domowina a Smolerjec kniharnja. Korjenje serbskeho nowinarstwa sahaja hač do 18. lětstotka wróćo. Prěnja prawidłownje wuchadźaca serbska nowina běše „Serbski powědar a kurěr“, kotraž wozjewješe hač do lěta 1812 aktualne politiske a narodnostne nowosće. Srjedź 19. lětstotka wuńdźe prěnje wudaće „Serbskeje Nowiny“. Jako dźenik pak wuńdźe hakle w dwacetych lětach 20. lětstotka. Po zakazu nowiny přez nacionalsocialistiski system a njepřewidnym powójnskim času wuńdźe jako dźenik znowa hakle w lěće 1955, nětko pod titulom „Nowa Doba“. Tučasnje ma na dźěłowych dnjach wuchadźacy wječornik “Serbske Nowiny” něhdźe 2.000 abonentow. Jónu měsačnje ma tež němskorěčnu přiłohu. Mehr

< zurück     Station 36 /44     weiter >