Němsko-Serbske ludowe dźiwadło
Němsko-Serbske ludowe dźiwadło Budyšin je jenička profesionelna dwurěčna dźiwadłowa institucija Němskeje. Swoju finalnu formu dósta twar w lěće 2006.
Němsko-Serbske ludowe dźiwadło (NSLDź) je jeničke profesionelne dwurěčne dźiwadło Němskeje. Po rozbuchnjenju stareho Měšćanskeho dźiwadła w lěće 1969 so nowotwar w lětach 1973 do 1975 dotwari. Korjenje Budyskeje dźiwadłoweje tradicije sahaja hač do 15. lětstotka wróćo. W tehdomnišim času wotměwaše so dźiwadłowy spektakl na Hłownym torhošću. NSLDź nasta přez fuziju Budyskeho měšćanskeho dźiwadła, kotrež so w lěće 1796 załoži, z w lěće 1963 załoženym Serbskim ludowym dźiwadłom. Do toho měješe Serbske ludowe dźiwadło při Šulerskich wrotach swoje sydło. Swójske jewišćo njesteješe jemu tehdy k dispoziciji. Tohodla předstaješe swoje inscenacije we wšelakich wjesnych hosćencach. Hač do dźensnišeho je serbske dźěćace a młodźinske dźiwadło, kotrež bě a je prěnje jewišćo za mnohich powołanskich dźiwadźelnikow, wobstatk NSLDź. Swoju finalnu formu z jewišćowej wěžu dósta twarjenje NSLDź přez wobšěrnu rekonstrukciju w lěće 2006. Mehr
